Heildrænt heilsunudd & djúpslökun

Sérstök blanda af heildrænu nuddi, ljósmiðlun, hugleiðslu, orkujöfnun og hljóðflæði.

Viltu upplifa eitthvað alveg nýtt?

Viltu finna djúpslökun á nýrri dýpt?

Þetta er heildræn nuddmeðferð, sem er sambland af mörgum samvinnandi þáttum, þróað til að framkalla farveg fyrir þig til að komast í djúpslökun, og upplifa sjálfa/n þig á nýjan hátt, og styðja þitt eigið kerfi (hug og líkama) til að efla og heila sjálft sig á þann hátt sem er mest aðkallandi á hverjum tíma.

Með því að framkalla viðeigandi ástand í hug og líkama nuddþegans, þá eflist hann sjálfur í sínu eigin ferli að betri heilsu, hugarró og orkujafnvægi.

Reynsla og upplifun hvers og eins er einstök og persónuleg, og oftar en ekki kveiknar á nýju sviði hjá viðkomandi – að upplifa sinn eigin sannleik og vitund, sitt eigið sjálf. Nýr skilningur kveiknar út frá nýju sjónarhorni. Hugarró og rými skapast til að tengja saman punkta í nýju samhengi, og fá dýpri heildarmynd í sína eigin upplifun í núinu.

Þetta er í raun sambland af heildrænu nuddi, djúpslökun, ljósflæðisheilun (ljósmiðlun), orkujöfnun, notkun orkupunkta, hugar- og hljóðflæði á djúpslökunar-tíðni.

Í þessari nuddmeðferð liggur nuddþegi alltaf á maganum, þar sem mest af vinnslunni fer í gegnum bakið, herðar, hendur, höfuð.

Fyllsta trúnaði er heitið - að sjálfsögðu.

Mynd frá meðferðaraðstöðu Ljóseindar